Ireki

Literatura ikasgelan proiektua

2012-01-27T11:28:00.004+01:00

Martxan jarri dugu Literatura ikasgelan izeneko proiektua. Honen bidez literatura euskara-ikasleei hurbiltzea lortu nahi dugu, literatur testuez gozatu eta hizkuntza aberasteko. Ez da literatura edo kritika lantzeko kastaro bat, baizik eta literaturara atseginez hurbiltzeko ahalegina.

Hainbat literatur testuren lanketaren bidez (gehienetan narrazioak izango dira), literatura irakurtzea atsegina izan daitekeela eta literatur lanak irakurtzea ez dela lan aspergarri eta nekagarria erakutsi nahi da. Honako puntu hauetan oinarritzen da proiektua:

Literaturaren irakurketa erronka kognitiboa da, zailtasunei aurre egin eta borroka horretatik plazerra lortzea. Era askotakoa izan daiteke erronka: istorioarekin lotutakoa edota narrazioaren osagaien ingurukoa. Literatura zaleak bilatu egiten ditu erronka horiek eta horiek gainditzeko egin behar duen esfortzuak plazerra ekartzen dio, kirolariei gertatzen zaien bezalaxe.

Literaturaren lanketak lagundu egin dezake ikasleen gaitasun komunikatiboa areagotzen. Literaturak jolastu egiten du hizkuntzarekin eta komunikazioa hizkuntzaren erabilera arrruntak ez bezalako oinarriekin lortzen du. Hizkuntzaren erabilera ezberdinek elikatu egiten dute elkar eta erabilera guzti horiek garatu egiten dute gaitasun komunikatibo orokorra.

Proiektua osatzen duten ikas-materialek Moodle plataformaren ikastaro-formatua dute (2.0 bertsioa). Ikastaroa gaika antolatuta dago: literatur testu bakoitzak gai bat hartuko du. Ikastaroa osorik edo gaika jaitsi daiteke eta erabili nahi duenak jaitsi ondoren bere plataforman berreskuratu eta bertan erabili beharko du. Hala ere, .odt eta .pdf formatuetan ere izango da eskuragarri.

Gaur proiektuaren lehenbiziko atala eman dugu argitara. Horretarako, Xabier Mendigurenen Merke-merke izeneko ipuinean oinarritu gara. Aldian-aldian argitaratuko dugu atal berria eta

Ikastaroa ikusi edo jaisteko: Literatura ikasgelan
Proiektuaren ezaugarriez gehiago jakiteko, jo irakaslearen gidara.

Irakurmena lantzeko materialak. Hizkuntza komunikabideetan

2011-10-18T09:00:00.000+02:00

Direla egun batzuk, beste dokumentu baten bila arinintzela, aspaldi egindako material hauek topatu nituen. Antza denez, 2000-2001ikasturtean egindakoak dira eta gezurra badirudi ere, zeharo ahaztuta edukiditut azken urte hauetan.

Ondo gogoratzen ez banaiz ere, garai hartan Batxilerrerakoikasleei begirako ikas-materialak sortzeko proiektu batean parte hartzekogonbitea jaso nuen. Proiektu hartan irakurmena eta idazmena lantzeko zenbaitariketa-sekuentzia diseinatzea egokitu zitzaidan. Urtebete lehenago-edo, Irakurriz ikasi liburua argitaratu nuen eta ildo metodologiko bereko materialak idazteko eskatuzidaten proiektu berrirako.

Testuen aukeraketa egitean, kontuan hartubeharreko testuingurua komunikabideak izan ziren, horietan hizkuntzarenzer-nolako erabilera gertatzen den aztertu ahal izateko. Testu guztiak, seigarrenunitatekoa izan ezik, idatziak dira eta garai hartako Euskaldunon Egunkarian argitara emandakoak.

Kontua da proiektu hori bertan behera geratu zelaeta neu zeharo ahaztu nintzela egindako lanaz. Orain, berriz, topatu dudanean,pentsatu dut inori gertatu ahal zaiola erabilgarri. Esan bezala, ez dut ezerere ukitu, zeuden-zeudenean daude hemen, errore ortografiko bakar batzuk salbu.

Irakurmena lantzeko materialak bakarrik bilduditut zeren idazmenari dagozkionak zirriborratuta baino ez daude. Ordu batzukegin behar nituzke horretarako eta agian, animatzen banaiz, aurrerago heldukodiet horiei.

Material hauek 7 unitatek osatzen dute:

UNITATEAK	LANGAIAK
1. Nola irakurtzen duzu normalean	Irakur-estiloak Irakur-helburuak
2. Ebola, etsai ikustezina	Zailtasunen aurrean zer egin Hitz gakoak
3. Kontsumitzaileei oharra	Testuaren informazio orokorra Testuaren asmo komunikatiboa Testuaren informazio xehea
4. Bai mundu berria!	Irakurri aurreko hipotesiak Informazio berria aurre-ezagutzekin lotu
5. Irakurleak mintzo	Testuen asmo komunikatboa
6. Gaur egun	Ahozko ulermenerako estrategien lanketa
7. Hiztegi transgenikoa	Testuari eta errealitateari buruzko aurre-ezagutzen garrantzia

Materialak RTF formatuan jarri ditut hemen, baten batek zerbait gehitu edo aldatu nahi badu, errez egin ahal izateko. Bestela, scrib gunean duzue.

Irakurmena lantzeko materialak

HABEren asmoak vs HABEren errealitateak

2011-09-29T09:29:00.001+02:00

Harrigarria da benetan zer-nolako aldea izaten den esaten denetik egiten denera. Bizitzaren arlo guztietan gertatzen da eta denok ezagutzen ditugu gauza bat esan eta jarraian horren kontrakoa egiten dutenak. Niri hori beti iruditu zait ganorarik gabea eta batez ere, amorragarria.

Zer gertatzen da, baina, lagun arteko giroan ez, baizik sektore oso baten ardura duen erakunde publiko batek egiten duenean? Adjektiboak asko datozkit burura, baina ondo pentsatuta, gauza bat esan eta kontrakoa egitea, neuri, behitzat, tristea iruditzen zait.

Santurtziko Udal Euskaltegiak 2011-1012 ikasturteari begira gure ikasleei ikastaro konbinatuak eskaitzeko egitasmoa aurkeztu zion HABEko zuzendari nagusuari. Egitasmo horrek HABEko zuzendari nagusiaren 2005eko uztailaren 27ko ebazpenak zehaztutakoa betetzera dator, hain zuzen laugarren artikuluaren 3. puntuaren b atalean esandakoa.

Ebazpen horretan esaten denez, modulu mistoek taldea eta talde-lana izango dute oinarri, aurrez aurreko jarduera hori eta Informazio eta Komunikaziorako Teknologien bidez bideratutakoa elkarren osagarri izanik. Hori horrela, geure asmoa zen gaur egun teknologiak eskaintzen dizkigun aukeraz baliatuta, ikastaro hauetan b-learning izeneko irakas-moldea inplementatzea.

Izan ere, aspaldi egiaztatu dugu gure ikasleen egoera eta beharrak aldatu egin direla. Eguneroko bizimoduak ikaragarri zailtzen du orain arte ohikoa izan den ikas-eskaintza nagusira hurbiltzea: gero eta hiritar gutxiago dira egunero bi orduz euskaltegira etor daitezkeenak. Ikasleen eskakizuna da modulu hori malgutzea eta beste ikasbide batzuk eskaintzea.

Hala ere, ziur gaude euskaren ikaskuntzak gutxieneko ordu-kopuru bat eskatzen duela eta beraz, ustezko malgutasun horrek ez duela ikas-orduak gutxitzea ekarri behar, baizik eta ikasleei beharrezko diren ikas-orduak eman ahal izateko aukerak zabaltzea.

Gure ustez, ikastaro konbinatuek bi alderdi horiek uztartzeko bidea eman ahal digute. Ikusi gure eskaintzaren ezaugarri nagusiak:

Astean 10 orduko karga lektiboa dute, honela banatuta: a) ordu biko bi saio presentzial taldean; b) sei orduko lana interneteko gure plataforman irakaslearen gidaritzapean.
Saio presentzialetan euskararen erabilera eta praktikarekin lotutako alderdiak landuko dira.
Interneten egin beharreko lana Santurtziko Udal Euskaltegiaren plataforma telematikoan burutuko da.
Ikastaroak denera 328 ordu izango ditu. Horietatik 132 izango dira aurrez aurrekoak eta gainerako 196 orduak plataforman eman beharrekoak.
2011ko urriaren 3an hasiko da eta ekainaren 29an amaituko da.
Ikastaro hauek 104 urratsetik aurrera eskainiko dira.
Ikasleei kobratuko zaien matrikula-tasa 357,52 eurokoa.

Zer gertatu da, orduan? HABEk ez dizkigu onartu eta ez onartzeko arrazoiak benetan bitxiak iruditu zaizkigu: birtualitatean emandako orduak nola justifikatzen dira? Nolatan zuritu ahal zaizkio irakasleari ikasleekin aurrez aurre ematen ez dituen orduak?

Arazoa, finean, sinplea da: HABEn erabakiak ez ditu Didaktika atalak hartzen, diruak banatzeko ardura duen atalak baizik. Nola esplikatu horri HABEk orain pare bat urte ikaskuntza konbinatua lantzeko batzorde bat osatu zuela? Non dago batzorde horren lana? Nola esplikatu horri HABEk dagoeneko idatzita eta Batzorde Akademikoan banatutako Curriculun berrirako ebazpen-zirriborroan ere ikaskuntza konbinatua aipatzen duela? Orain ez eta datorren urtean bai?

Enfin! Bizimodu latza geurea! Geuk hor utziko genuen gaia, Gasteizko Legebiltzarreko agerraldi batean aurkeztutako HABEren plan estrategikoaren berri izan ez bagenu. Izan ere, planak planteatzen dituen helburuen artean honako hau irakur dezakegu (ikus Lourdes Azurmendiren bloga): ikaskuntza prozesuetan teknologia berriak ezarri behar dira.

Teknologia berriak? Zein teknologia? Zer berri? Tamalgarria iritzi liezaioke batek baino gehiagok. Niri tristea iruditzen zait, oso tristea.

Bideo-hitzaldiak euskaraz: Bigbluebutton

2011-07-01T11:32:00.003+02:00

Pedro Lonbide eta biok euskaratu berri dugu bideo-hitzaldiak egiteko BigBlueButton web-aplikazio librea. GNU lizentziapean banatzen da eta gehienbat e-learning testuinguruetan erabiltzen ari da.

Honako hauek dira funtzionalitate baliabide honek eskaintzen dituen nagusiak:

VoIP integratua: IP (VoIP) bidezko ahotsa ahalbidetzen du. Erabiltzaileak bozgoragailuak eta mikrofonoak bakarrik behar ditu parte hartzeko.
Webcam-a: erabiltzaileek webcam-a parteka dezakete.
Txat-gela: zenbait hizkuntzatarako aldi bereko itzulpena eskaintzen du txatak (momentuz euskara ez dago horien artean).
Mahaigaina partekatzea: aurkezleak bere ordenagailuko mahaigaina parteka dezake.
Dokumentuak partekatzea: aurkezleak hainbat formatutako fitxategiak erakuts ditzake hizketan ari den bitartean, hala nola, PDFak, aurkezpenak, kalkulu-orriak, testu-dokumentuak...
Erabiltzaileek hitza eskatu ahal diote aurkezleari, beste erabiltzaile batzuk mututu eta euren artean txatean aritu publiko edo pribatuan.

Hiru erabiltzaile-profil ditu:

Aurkezlea: hitzaldia emango du eta bertan aukezpenak eta mahaigaina parteka ditzake
Ikuslea: hitzaldia ikusiko du baina baimena du bakarrik ikusteko eta txateatzeko. Horrez gain, hitz egin dezake baimena ematen bazaio.
Moderatzailea: aurkezpenak igo ditzake, mahaigaina partekatu eta erabiltzaileak onartu edo baztertu.

Interfazea garbia da. Horrez gain, kodea eta APIa eskura daude eta edozein zerbitzaritan egin daiteke instalazioa.

Euskarazko fitxategia oraindik ez dago aplikazioaren banaketa-paketearen barruan baina hemen eskura daiteke.

BigBlueButton beste hainbat aplikaziorekin integra daiteke. Dagoeneko, Moddle, WordPress edo Drupal-ekin dago integratzeko modua. Hemendik gutxira amaituko dugu Moodle-rekin integratzeko moduluaren euskarazko itzulpena.

Moodle 2.0ren osaketa-funtzioa: kasu praktikoa

2011-02-14T09:55:00.006+01:00

Aurreko artikuluan Moodle-ren 2.0 bertsioko osaketa funtzioaren deskribapena egin genuen. Funtzio berri hau erabilita, ikastaroa bera edo ikastaroko edozein jarduera eman daiteke osatutzat bai eskuz bai automatikoki, horretarako aldez aurretik ezarritako baldintzak betetzen badira. Gainera, eskuzko kasuan irakasleak zein ikasleak eman dezake osatutzat jarduera edota ikastaroa. Funtzio honekin batera erabili beharko dugu zenbaitetan Mugatu eskuragarritasuna funtzioa. Osagarriak dira biak ibilbideak sortzeko orduan.

Ikus dezagun, ordea, praktikan nola gertatzen den prozesu hori.

UNITATE DIDAKTIKOA SORTU

Unitate didaktiko bat hartuko dugu adibide. Unitate horrek ondorengo osagaiak izango ditu:

Unitatearen deskribapena orri batean.
Aldez aurretiko ezagutzak neurtzeko galdetegi bat.
Edukiak azaltzeko ikasgai bat.
Informazioa eskuratzeko bi web-gunetarako estekak.
Jasotako informazioarekin egin beharreko idatzizko lana, zeregin batean.
Unitatearen ebaluaziorako galdetegi bat.

Osaketa funtzioak ikasleak unitate honetan egin beharreko ibilbidea definitzen lagunduko digu. Guk diseinatutako ibilbideak ondorengo ezaugarriak ditu:

Ikasleak lehenik eta behin unitatearen deskribapena irakurri behar du. Horren bidez ziurtatu nahi dugu ikasleak unitatearen nondik norakoen berri izango duela eta egin beharreko lanez jabetuko dela. Helburua da ikasleak zeri egiten dion aurre jakitea Ezin izango ditu, beraz, beste jarduerak ikusi deskribapen-orria ikusi arte.
Ondoren, aldez aurretiko ezagutzak aktibatzea nahi dugu eta horretarako galdetegi bati erantzun beharko dio ikasleak. Galdetegiari erantzun egin beharko dio baina ez denez ezagutzak ebaluatzekoa ez diogu erreparatuko lortzen duen emaitzari.
Hirugarren pausua edukiak azaltzea izango da. Horretarako ikasgai bat erabiliko dugu eta emandako informazioa jaso duela. Bertako edukiak bereganatu dituela ziurtatu nahi dugu. Ikasgaia osatu ahal izateko gutxienez 6ko puntuazioa lortu beharko du ikasgaiak guztira dituen 10etatik.
Laugarren pausua bikoitza da. Kontsultatu beharreko bi web-gune aztertu ondoren, horietan lortutako informazioarekin lan bat egin beharko du ikasleak. Derrigorrezkoa izango du bi web-guneak bisitatzea horien inguruko idatzizko lana egin ahal izateko.
Bukatzeko, unitatearen ebaluazioa burutuko dugu galdetegi baten bidez. Galdetegia osatutzat emateko gutxienez 7ko puntuazioa lortu beharko du 10etik.
Unitatea osatutzat emateko jarduera guztiak burutu beharko ditu ikasleak.

Alderdi didaktikoan definitu duguna alderdi praktikora itzuli beharko dugu, gure Moodle ikastaroak nahi dugun eta definitu dugun bezala funtziona dezan.

GUNEAN OSAKETA-FUNTZIOA GAITU

Gunearen ezarpenetan gaitu egin beharko ditu beste ezer baino lehen kudeatzaileak bi ezarpen: Osaketaren jarraipena gaitu eta Baldintzatutako eskuragarritasuna gaitu, biak baitaude berez gaitu gabe.

IKASTAROAN OSAKETA-FUNTZIOA GAITU

Jarduerekin hasi baino lehen, ikastaroan aktibatu egin beharko dugu osaketa-funtzioa.

Ikastaroan, Ezarpenak blokeko Ikastaroaren kudeaketa aukeratu beharko dugu eta bertan Ezarpenak editatu. Ezarpen horietan Ikaslearen aurrerapena atalean Osaketaren jarraipena ezarpenean Gaituta, osaketa eta jardueraren ezarpenetatik kontrolatuta aukeratuko dugu.

Hori egindakoan eta aldaketak gordetakoan, Osaketaren jarraipena esteka agertuko zaigu Ezarpenak blokeko Ikastaroaren kudeaketa atalean. Ondorengo ezarpenak egin beharko ditugu atal horretan:

Irizpide orokorra: elementu-kopurua: Guztiak ezarri
Norberak eskuz osatu: gaitu ezarri
Osatutako jarduerak: guztiak ezarri eta ondoren banan-banan markatu laukitxoak.
Bukatzeko gorde aldaketak.

Honekin prest izango ditugu ikastaroari dagozkion osaketa-ezarpenak eta jardueren ezarpenekin has gaitezke. Banan-banan ikusiko ditugu laburtuta.

JARDUERETAN OSAKETA-FUNTZIOA GAITU

Unitatearen deskribapena

Ikasleak ezin izango du eskuz markatu osatutzat, hala irizten dionean. Horretarako ipintzen diogun baldintza orria ikustea da. Honek ez du ziurtatzen, jakina, orria irakurri duenik eta are gutxiago ulertu duenik.

Aldez aurretiko ezagutzak neurtzeko galdetegia

Ikasleak aldez aurretik unitatearen deskribapen-orria ikusi beharko du. Bestalde, ezin izango du jarduera hau eskuz osatutzat eman; automatikoki emango da osatutzat ikasleak kalifikazioa lortzen duenean.

Edukiak azaltzeko ikasgaia

Ikasleak aldez aurretik unitatearen deskribapen-orria ikusi beharko du eta galdetegiari erantzun. Bestalde, ezin izango du jarduera hau eskuz osatutzat eman; automatikoki emango da osatutzat ikasleak kalifikazioa lortzen duenean.

Informazioa eskuratzeko bi web-gunetarako estekak

Ikasleak aldez aurretik unitatearen deskribapen-orria ikusi, galdetegiari erantzun eta ikasgaia egin beharko du. Bestalde, ezin izango ditu jarduera hauek eskuz osatutzat eman; automatikoki emango dira osatutzat ikasleak orriak ikusten dituenean. Jakina, pausu hau bi esteketan eman behar da.

Jasotako informazioarekin egin beharreko idatzizko lana, zeregin batean

Ikasleak aldez aurretik unitatearen deskribapen-orria, galdetegiari erantzun, ikasgaia egin eta informazioa eskuratzeko bi web-guneetarako estekak ikusi beharko ditu. Bestalde, ezin izango du jarduera hau eskuz osatutzat eman; automatikoki emango da osatutzat ikasleak kalifikazioa lortzen duenean.

Unitatearen ebaluaziorako galdetegia

Ikasleak aldez aurretik unitatearen jarduera guztiak osatu behar izango ditu. Bestalde, ezin izango du jarduera hau eskuz osatutzat eman; automatikoki emango da osatutzat ikasleak kalifikazioa lortzen duenean

OSAKETA-FUNTZIOAREN ABANTAILAK

Osaketa funtzioa oso tresna eraginkorra izan daiteke aldez aurretik zehaztutako ikas-ibilbide estandarrak diseinatzeko. Emandako adibidean argi ikusi denez, ez du aparteko zailtasunik baina aldez aurretiko lana eskatzen du. Gainera, oso ondo zehaztu behar dira lortu nahi dugun horretara iiristeko ezarpen guztiak. Osaketa-funtzioak bere egiteko propioa badu ere, gehienetan agertuko zaigu Baldintzatutako jarduerak izeneko funtzioarekin batera. Izan ere, bien erabilerak eramango gaitu aipatutako ikas-ibilbideak sortzera.

Bestalde, ikaslearentzat ere onuragarri da funtzio hau. Batetik, ikastaro batean sartu orduko jakin dezake zeintzuk jarduera osatuta dituen dagoeneko eta zeintzuk ez. Bestetik, hasieratik izan dezake egin beharrekoaren ikuspegi orokorra eta on-line irakaskuntzan hainbestetan aipatu diren zalantza eta galduta egote sentsazioak ekin daitezke.

Moodle 2.0-ren osaketa funtzioa

2011-02-01T10:06:00.005+01:00

Osaketa (completion) izeneko funtzionalitatea Moodle 2.0 bertsioak ekarri duen berrikuntza nagusietako bat da, Moodle-ren bitartez sor daitezkeen ikasgela birtualak indartzera etorri dena.

Osaketa funtzioari esker bukatutzat eman daiteke era ofizialean ikastaro bat, bai eskuz bai automatikoki, aldez aurretik zehaztutako irizpide batzuen arabera.

Moodle 2.0ren osaketa-sistemak bi atal nagusi ditu:

Jarduera-osaketa : aukera ematen dio irakasleari ikasleak jarduera bat noiz osatu duen erabakitzeko, horretarako hainbat baldintza zehaztuta.

Ikastaro-osaketa : aukera ematen dio irakasleari ikasleak ikastaro bat noiz osatu duen erabakitzeko eta horretarako zein baldintza bete behar duen zehazteko

Gainera, funtzio hau beste ikastaro batean erabil daiteke bigarrenaren osaketarako irizpide bezala. Adibidez, bi ikastaro baditugu eta bigarrena egiteko lehenengoa osatu beharra baldin badago, ikasleak ezin izango du bigarren ikastaroa osatu lehengoa osatu ez badu.

Ikastaroaren ezarpenen arabera eta, jakina, ikastaroaren diseinuaren arabera, ikasleak berak edo irakasleak eman dezake ikastaro bat osatutzat.

Ikaslearen kasuan Ikastaro-osaketaren egoera blokean osatu ikastaroa estekari sakatu beharko dio. Ikastaroa osatu duela berresteko eskatuko zaio orduan eta ikastaroaren egoera aldatu egingo da osatuta egotera.

Irakasleak ere marka dezake ikastaro bat osatutzat. Ikastaro-osaketaren egoera blokean sartu eta ikastaroa osatu dutela irizten dion ikasleen izenak markatuko ditu horretarako. Hurrengo eguneraketaren ondoren ikastaroa osatuta agertuko da.

Bada beste aukera bat osaketarako, ordea: osaketa automatikoa. Horren arabera, ikastaro bat osatuta automatikoki markatuko da zehaztutako irizpide batzuk betetzen badira. Hona hemen banan-banan zeintzuk izan daitezkeen irizpideak:

Osatutako jarduerak: zerrenda batetik aukeratu beharko dira ikastaroa osatutzat emateko osatu behar diren jarduerak. Horiek osatutakoan, automatikoki osatutzat emango da ikastaroa.
Data: data jakin bat igarota ikastaroa osatutzat emango da.
Matrikulatu ondorengo iraupena: matrikulatu eta hainbat egun igarota ikastaroa osatutzat emango da.
Kalifikazioa: ikastaroa osatutzat emango da ikasleak kalifikazio jakin bat lortzen badu.
Desmatrikulazioa: ikastaroa osatutzat emango da ikaslea desmatrikulatzean.

Ikastaroak ez ezik jarduerak ere marka daitezke osatuta automatikoki. Funtsean irakasleari galdetzen zaio jarduera osatutzat hartzeko zer behar den. Jardueraren ezarpenetan zehazten dira baldintza horiek. Hortik aurrera ezaugarri hau erabili ahal da beste edozein jardueraren Mugatu eskuragarritasuna atalean. Horrela eginda, ikasleak ezin izango du jarduera berria eskuratu, aldez aurretik ezarri dugun baldintza betetzen ez bada.

Aukeratu egin daiteke zein izango den osatutzat hartzeko baldintza. Jardueraren araberako baldintzak ezar daitezke: nahikoa izan daiteke baliabide bat ikustea, galdetegietan kalifikazio jakin bat lortzea, foroen kasuan hainbat mezu bidali izana...

Informazio gehiago (Moodle Doc-ak):

Moodle Doc-ak euskaraz proiektuak 1.000 orri ditu dagoeneko

2011-01-27T11:51:00.009+01:00

2006ko urrian hasi ginen Moodle-ren dokumentazio ofiziala euskaratzen eta lau urte luze hauetan egindako lanari esker, lortu berri dugu guneak 1000 dokumentu izatea. Ez da marka makala, batez ere, kontuan hartuta euskarazko dokumentazioa osatuena dela ingelesezkoaren atzetik. Ikus dezagun zertan den dokumentazio ofiziala beste hizkuntza batzuetan:

Ingelesez: 2.148 orri
Euskaraz: 1.000 (horietatik 123 itzulpena amaitu gabe)
Espainieraz: 960 orri (horietatik 101 itzulpena amaitu gabe)
Alemanez 955 (horietatik 154 itzulpena amaitu gabe)
Frantsesez: 695 (horietatik 43 itzulpena amaitu gabe)

Prozesuan gora-behera handiak izan ditugu. Hasiera batean espainierazko itzulpena hartu genuen oinarri eta horrek hainbat arazo sortu zigun, askotan ez baitzetozen bat ingelesezko jatorrizko bertsioa eta espainierazkoa. Horregatik erabaki genuen ingelesezkoa hartzea oinarri.

Bertsio berriek ere ekarri dute lan-karga areagotzea. Batez ere 2.0 bertsioa izan da horretan astunena. Bertsio honek ekarri dituen berrikuntza handiek ikaragarri handitu dute dokumentazioa batetik, eta dokumentazioan egin beharreko aldaketak bestetik.

Gaur egun euskarazko Moodle Doc-ek oinarrizko baliabidea eskaintzen diote Moodle-ren erabiltzaileari. Ikasle nahiz irakasleek (321 dokumentu) bertan aurkituko dute Moodle-rekin lanean aritzeko nahikoa informazio. Bi atal horiek dira landuenak baina ezin da ahaztu kudeatzaileentzako dokumentazioa ere (170 dokumentu) nahikoa landuta dagoela.

Itzulpena aurrera doa, beraz. Ikasturtez ikasturte osatzen dugun plangintzan jasotzen ditugu aldi bakoitzeko lehentasunak eta bestelako xehetasunak. 2010-2011 ikasturtean 2.0 bertsioak ekarritako berrikuntzen inguruan arituko gara ahal dugun neurrian eta dagoeneko blogak, iruzkinak eta osaketarekin lotutako hainbat orri sortu eta itzuli ditugu.

Lau urte pasatxo joan zaizkigu eta, agian, lortutako emaitza ez da aberatsegia izango zenbaitentzat. Guretzat, ordea, oso baliagarri izan da eta hori dela-eta aurrera egingo dugu. Badakigu orain arteko bidea nahikoa bakarrik egin dugula eta horrek askotan arazo handiak ekarri dizkigula. Badakigu bidaideak behar ditugula erronka honi behar bezala erantzuteko eta lan handiagoa egiteko. Gonbitea eginda dago eta beharra agerikoa da gero eta erabiltzaile gehiagorentzat. Ekin, beraz eta elkarrekin egingo dugu bidea.

Moodle-ren oinarrizko erabilera izeneko ikastaroa denon esku

2010-12-02T16:46:00.012+01:00

2010eko azaroan zehar eta UEUk antolatuta, Moodle-ren oinarrizko erabilera izeneko ikastaroa eman dugu. 23 lagunek hartu dute parte 15 orduko iraupena izan duen ikastaro honetan.

Gaurtik aurrera ikastaro hau denon esku izango da, ikasi eta irakasteko esperientzia hau partekatu eta baten batek egokia iritziz gero, berrerabil dezan.

Ikastaroaren planteamendua Moodle plataforma kudeatzen ikastaroan erabilitakoaren ildo berekoa da.

Ikastaroaren helburua bikoitza da:

Moodle-k ikastaroak sortzeko eskaintzen dituen tresnak ezagutzea

Ikastaroa egiten dutenei Moodle modu autonomoan erabiltzen ikasi ahal izateko baliabideak eskaintzea

Ikastaroa 30 bat ordutan egiten da eta bi eratara erabiltzeko modukoa da:

Nork bere kasa, ikasle gisa. Ikastaroaren gida erabilita, edonork egin dezake ikastaroa.

Irakasle gisa talde bati eskaintzea. Irakaslearen gisa erabilita, Moodle-ren ezagutza zabalagoa duen edonork eskain diezaioke talde bati ikastaroa.

Ikastaroa hemendik jaitsi daiteke eta CC lizentziapean erabili.

Moodle plataforma kudeatzen izeneko ikastaroa denon esku

2010-06-24T10:11:00.019+02:00

2009-2010 ikasturteko azken hiruhilekoan Moodle plataforma kudeatzen izeneko ikastaroa eman dugu, 2010eko apirilaren 26tik maiatzaren 25era, hain zuzen ere. Eusko Jaurlaritzako Hezkuntza Sailaren GARATU prestakuntza-planaren barruan antolatuta, 18 irakaslek hartu dute parte. Ikastaroaren iraupena 20 ordukoa izan da.

Gaurtik aurrera ikastaro hau denon esku izango da, ikasi eta irakasteko esperientzia hau partekatu eta baten batek egokia iritziz gero, berrerabil dezan.

Ikastaroaren planteamendua eta diseinua

Ikastaroa on-line eman badugu ere, presentziazko bi saio izan ditu. Lehenengoaren helburua ikastaroa ezagutarazi eta partaideek elkar ezagutzea izan da: bertan aztertu dira helburuak, erabili beharreko baliabideak eta garatuko zen metodologia. Bigarren saioan, ikastaroaren bukaeran egindakoa, bai ikasleek bai irakasleek ikastaroaren ebaluazio kualitatibo eta kuantitatiboa egin dute.

Ikastaroaren helburuak

Bi helburu-mota izan ditugu ikastaro honetan: a) epe laburrera begirakoak, eta b) epe ertain-luzera begirakoak.

Epe laburrerako helburu gisa, Moodle instalazio baten oinarrizko kudeaketa-lanak egiteko gaitasuna lortzea ezarri dugu: plataformaren kudeaketa-baliabideak ezagutzea, baliabide horiek aztertu eta erabiltzen trebatzea, eskaintzen dituzten aukeren ondorioez jabetzea eta norberaren neurrirako erabakiak hartu ahal izatea.

Epe luzera begira, berriz, ikastaroa bukatu ondoren ikasleek Moodle instalazio bat kudeatzeko gaitasuna nork bere kasa garatu ahal izateko prestakuntza ematea izan da gure helburua. Horretarako, autoebaluazioa egiteko erabili dugun gaitasunen zerrendari esker ikas-prozesua irudikatzeko eta hemendik aurrera planifikatzeko nahiz ebaluatzeko materiala eskainiko diegu ikasleei.

Ikastaroaren antolamendua: saioak

Ikastaroak lau saio izan ditu eta horietako bakoitzean Moodle-ren kudeaketarekin lotutako gaiak landu ditugu:

Lehen saioa: rolak, baimenak, autentifikazioa eta erabiltzaileak
Bigarren saioa: ikastaroak, kalifikazioak eta moduluak
Hirugarren saioa: hizkuntza, itxura eta hasiera-orria
Laugarren saioa: segurtasuna, zerbitzaria eta txostenak

Ikastaroaren diseinu didaktikoa

Hona hemen ikastaroan zehar saioz saio errepikatu den egitura didaktikoa:

Autoebaluazioa
Lanketa
Praktika
Hausnarketa
Autoebaluazioa

Autoebaluazioa

Moodle-ren kudeatzaile batek lortu beharreko gaitasunak kudeatzailea rolaren baimenetan oinarrituta definitu dira eta can do edo gai naiz moldera ekarri genituen. Autoebaluazio-aldietan ikasleak ondorengoak lortzea nahi genuen:

Lortu beharreko gaitasun guztien berri izatea
Edozein unetan irizpide ezagun eta ulergarrien bidez bere aurrerapena ebaluatu ahal izatea
Ikastaroa bukatuta, ikas-prozesuarekin aurrera egiteko bitartekoak eskuratzea.

Sei aldiz egingo da autoebaluazioa gutxienez ikastaroan zehar: ikastaro hasiera, bukaeran eta saio bakoitzean.

Moodle-ko inkesta (Feedback) izeneko modulua erabili dugu honetarako.

Lanketa

Egitura didaktikoaren bigarren aldi honetan saio bakoitzari dagozkion gaitasunen inguruko informazio argi, labur eta ulergarria eskaintzen zaio ikasleari, eta tarteka informazio horiei buruzko galderak planteatu ditugu ulermena ziurtatze aldera.

Moodle-ko ikasgaia modulua erabili dugu honetarako.

Praktika

Ikastaroaren ezaugarriak eta helburuak kontuan hartuta, ezinbesteko dute ikasleek lortu beharreko gaitasunak praktikan ipintzea. Ikastaroaren helburua ez da hainbat ezagutza teoriko eskuratzea, gaitasun-maila jakin batera iristeko ikas-prozesua garatzea baizik Horretarako, ikastaroan zehar ikasleek berek kudeatzeko beste Moodle instalazio bat izan dute eta bertan egin dituzte 21 jardueraz osatutako lau praktika-saioak. Praktiketako jarduerak definitzeko bi oinarri erabili dira: autoebaluaziorako formularioan ezarritako gaitasunak eta hausnarketarako erabili den galdera-multzoa.

Praktika egiteko beste Moodle instalazio bat egin dugu.

Hausnarketa

Praktikak burutu ondoren hausnarketa egiteko unea proposatu dugu. Praktiketarako erabilitako jarduerak oinarri hartuta, ikasleak Moodle-ren instalazioaren ezaugarriekin lotutako hainbat erabaki hartzera bultzatu ditugu, landutako gaien inguruko galderak proposatuta. Ikasle guztiek aztertu behar zituzten gainontzekoen lana norberarena bukatu ondoren edo bitartean. Helburua erabaki kontzienteak hartzea zen hiru oinarri erabilita: landutakoa, praktikatutakoa eta gainontzekoen ekarriak.

Moodle-ko wikia modulua erabili dugu honetarako.

Autoebaluzioa

Egitura ziklikoaren amaiaera iritsita, berriz ere autoebaluazio-inkesta erabili behar izan dute ikasleek zikloaren hasierako aldian burututako lana berrikusteko.

Erabilitako ebaluazio-irizpideak

Irakasleok ikastaroaren ebaluazioa egiteko sei atal erabili ditugu:

Partaidetza: ikastaroan zehar Jardueren foroan egindako ekarpenak baloratu ditugu atal honetan, 0tik 1era bitartean puntuatuz.
Lau saioak: saio bakoitzean egindako lanek bere balorazioa izan dute (ikasgaiak 0-100, adibidez) eta saio bakoitza 0tik 1,5era dago puntuatuta.
Praktikak: saioz saio egindako praktiketarako 21 jarduerak baloratu ditugu eta 0tik 3ra puntuatu dugu atal hau.

Ikastaroaren bukaerako puntuazioa 6 atal horietan lortutakoen batuketa izango da, 0tik 10era.

Parametro horien arabera antolatu dugu ikastaroaren kalifikazio-liburua. Saio bakoitzak, partaidetzak eta praktikek kalifikazio-kategoria bana osatzen dute eta kategoria bakoitzak pisu ezberdina du ikastaro osoaren ebaluazioan. Partaidetzak azken kalifikazioaren % 10 ekarri du, saio bakoitzak % 15 eta praktikek % 30.

Ikastaroaren ebaluazioa

Ikastaroaren balorazioa egiteko orduan, oso garrantzizkoa izan da ikastaroaren izaera bera. Moodle-ren kudeaketari buruzko 20 orduko ikastaroa antolatzeak derrigorrezko egiten zuen hartzaileek aldez aurretiko gutxieneko ezagutza izatea. Hori dela-eta eskaintza Moodle instalazioen kudeaketan ari zirenei luzatu zitzaien. Izena emandakoen artean, hala ere, irakasle lanetan trebatutako partaideak izan dira eta horrek zaildu egin du helburuen lorpena.

Gure harridurarako, ordea, ikasleek oso emaitza onak lortu dituzte. Aipatu behar da 20 orduko lana aurreikusita bagenuen ere, ikasleek askoz ordu gehiago egin dituztela eta horiei eta ikastaroan zehar egindako moldaketei esker ikastaroaren helburu nagusietara heltzea lortu dugula.

Moodle 2.0: ikasgela birtualetik ikasteko ingurune pertsonalera

2010-06-21T10:19:00.003+02:00

CAMACHO, A.; LONBIDE, P. (2010): Moodle 2.0: ikasgela birtualetik ikasteko ingurune pertsonalera

MoodleMoot Euskadi 2010 jardunaldietan aurkeztutako komunikazioa
Errenterian, 2010eko ekainaren 18an
Antolatzailea: Tnika

Moodle 2.0 Ikasgelatik Ingurune Pertsonalera

Mahara eta sare sozialak

2009-11-19T17:55:00.018+01:00

Mahara e-portoflioa dela esan dugu. Zein dira, baina, portfolio digitalen ezaugarriak eta abantailak?

Dagoeneko aipatu dugu e-portfolioen abantaila nagusietako bat. Erabilera asko errazten du: kudeaketa azkarra; elementuak ezartzeko nahiz kentzeko erraztasuna; formatu askotako fitxategiak erabili ahal izatea, RSS jarioak baliatzea...

Horrez gain, Maharak ohiko e-portfolioari gaur egun ezinbestekoak bihurtu diren sare sozialen arloa ere gehitzen dio. Gu nor eta zer garen adierazteaz gain, non, zertan eta norekin zer garen adierazteko erabiltzen dugu.

Izan ere, web 2.0ren ezaugarrietako bat ezagutza-sareak dira. Facebook, Twiter, LinkedIn… bezalako aplikazioek gero eta indar handiagoa hartu dute eta informazioa eman eta hartzeko ez ezik beste funtzio bat ere badute gaur egun. Sare sozialak loturak ezartzen ditu sarea erabiltzen dutenen artean eta sare horiei esker ezagutza eta harremana sortzen dira.

Sare horietan pertsona batek duen kokapenak asko adierazten du pertsona horri buruz. Erakutsi egiten du norekin dagoen harremanetan, zer-nolako harreman-motak sortzeko gaitasuna duen eta nola ikusten duten besteek. Horrek ere ematen du halako estatus moduko bat eta gaur egun argi ikus daiteke hori erabilitako edozein softwarek eskaintzen baitu lagunak (facebook), followers (twiter), kontaktuak (linkedin)… bezalako tresneria, norekin zauden harremanetan jakiteko.

Sare sozial horien beste emaitza bat ikaskuntza da. Gainontzekoekin harremanetan ikasten du gizakiak eta gainontzekoekiko harremanetatik. Sare hauek ikaskuntza-eremu bihurtzen dira eta zenbat eta aberatsagoa eta ugariagoa izan eremua, orduan eta ikaskuntza-prozesu aberatsagoak eta emankorragoak sortuko ditugu.

Ildo horretan, Mahara-k ere baditu Nire taldeak eta Nire lagunak izeneko baliabideak; baita erabiltzaileak bilatzeko tresnak eta horiekin harremanetan jartzeko bitartekoak ere. Taldeetan Mahara-ko zein taldetako partaide garen ikusiko dugu eta, aldi berean, taldeak sortzeko aukera izango dugu. Taldea sortuta, gonbidatu egin dezakegu jendea taldekide izatera.

Gauza bera gertatzen da Lagunak izeneko atalean. Hor Mahara-n ditugun lagunen zerrenda agertuko da eta aipatutako softwareetan bezalaxe, lagun eskariak egin daitezke, eskariak onartu, lagunak bilatu…

Honen guztiaren helburua, aipatu dugunez, bikoitza da: batetik interneten zein sare sozialetakoa zaren erakustea eta bestetik ikasteko asmoz sare hori aberastu ahal izatea.

Mahara: portfolio digitalak sortzeko tresna

2009-11-05T09:21:00.025+01:00

Mahara portfolio digitalak sortu eta kudeatzeko kode irekiko sistema da eta sare sozialen planteamendua bereganatuta du.

Hainbat lanbidetan erabiltzen diren book-en antzeko balibideak dira portfolioak. Norberaren book-ean jasotzen dira geure lana, geure ezagutza, geure ibilibidea... deskribatu eta erakutsiko dituzten erakusleak. Lanbidearen arabera, erakusleak ezberdinak izan daitezke, jakina.

Adibideak ipintzea ez da zaila: argazkilari batek bere ustez egin dituen argazkirik onenak jasoko ditu, baita nonbait saria jaso dutenak ere... Modelo batek, berriz, egin dizkioten argazki ederrenak, egin dituen kanpainak...

Erakusle horiek, bestalde, era askotakoak izan daitezke kasuaren arabera: irudiak, testuak, ziurtagiriak, ikasketa-agiriak, sariak... Helburua, ordea, bat da kasu guztietan: book edo gure kasuan portfolioaren jabearen irudi bat eskaintzea, jasotzen duenak begirada batean jakin dezan nor duen aurrean. Zentzu horretan erakustokia dela ere esan dezakegu eta norberak aukeratzen du zer erakutsi nahi duen.

Bestelako erabilera eman ohi diote hezkuntza-erakundeek. Horrelakoetan, ikas-prozesua bultzatzeko funtzioa gaineratzen zaio portfolioari. Beste batean arituko gara alderdi garrantzitsu honetaz.

Portfolio digitalak abantaila izugarriak ditu garai bateko paperezko portfolioen aldean. Gainontzeko arloetan gertatu den bezala, digitalizazioak asko erraztu du portfolioaren osaketa, kudeaketa eta baita erabilera ere. Errazagoa da bertan nahi ditugun datuak eranstea eta batetik besterako zabalkundea ere izugarri hobetu da.

Mahara-ren kasuan, beste edozein e-portfolioren kasuan bezalaxe, geure buruaren berri emateko tresna batez ari gara, baliabide asko eta erabilera asko eskaintzen dituena. Erabiltzaile bakoitzak erabaki beharko du zein baliabide erabiliko dituen eta zein erabilera emango dion.

Mahara-k honako bitarteko nagusi hauek eskaintzen ditu norberaren profilean:

Norberaren profila: bistak, lagunak, taldeak, horma

Curriculum Vitaea: gonbidapen gutuna, interesak, kontakturako informazioa, informazio pertsonala, lan-ibilbidea, ikasketa-ibilbidea, ziurtagiriak, benetakotze-agiriak, sariak, liburu eta argitalpenak, partaidetza profesionalak

Helburuak: pertsonalak, akademikoak, karrera-helburuak

Trebetasunak:pertsonalak, akademikoak, lan-trebetasunak

Portfolioaz ari garenean oso garrantzizkoa da kontuan izatea ezaugarriak eta erabilera(k) norberak erabakitzen dituela. Paperezko portfolioak ez bezala, e-portoflioak aukera ematen du norberaren profilaren orriaren diseinua erabaki eta eskaintzen dituen elementuen artean bakoitzari interesatzen zaizkionak aukeratzeko. Hona hemen aukeran ditugun guztiak:

Blog oso bat erakutsi

Blog-sarrera bat erakutsi

Azken 10 blog-sarrera erakutsi

Curriculum vitae osoa erakutsi

Curriculum vitaearentzako eremu bat erakutsi

Kanpoko RSS jarioak

Kanpoko bideo bat txertatu

Deskargatzeko fitxategien karpeta

Fitxategien eremuko karpeta bat

HTML fitxategia

Irudia

Media fitxategia enbotatuta.

Portfolioa bera ere geuk diseinatuko dugu. Horretarako Mahara-k Bista izeneko elementua erabiltzen du. Nahi beste sor dezakegu eta bakoitza nahi dugun eran diseinatu. Gainera nork izango duen zeinetarako sarbidea ere geuk aukeratzen dugu.

Informazio gehiago izateko:

El camarote: Las posibilidades de Mahara
Israel Azofeifa: Guía de uso de Mahara
Iñaki Arenaza: Uso de Mahara con Moodle

EGAko ahozko azterketa eta Europako Erreferentzia Markoa

2009-03-23T16:32:00.013+01:00

Nafarroako EGA aztertzaileekin egindako jardunaldiaren helburu nagusia EGAko ahozko azterketaren planteamendua eta aztertzaileen jarrera eta eginkizunek azterketan duten eragina aztertzea da.

Lehenengo saioan Erreferentzia Markoak ematen duen hizkuntz erabileraren definizioa aztertuko dugu, batez ere muga eta baldintzei erreparatuta.

Bigarren saioan, berriz, parte hartzen dutenek ahozko proba bera aztertuko dute, bai azterketari berari dagokionean, bai aztertzaileen lanari dagokionean.

Helburuak

- Europako Markoa: hizkuntz ikaskuntza eta erabilera
- Markoaren erabiltzailearen erabakiak

Edukiak
- Hizkuntzaren dimentsioak
- Hizkuntz jardueren baldintza eta mugak

JClic 0.2.0.6

2009-03-05T07:48:00.004+01:00

JClic -en 0.2.0.6 bertsioa atera berri da eta euskaraz eta beste 16 hizkuntzatan eskura eta erabil daiteke. Aurreko bertsioak zituen hainbat akats konpontzeaz gain, bertsio honek hobetu egin du jarduerak sortzeko prozesua eta baita jarduerak burutzekoa ere. Hemendik jaitsi daiteke.

Moodle Doc-ak: Irakaslearen atala

2009-02-13T08:43:00.014+01:00

Moodle-ren dokumentazio ofiziala itzultzeari ekin genionean, lehenbiziko helburua izan zen irakasleei begirako atala atontzea. Artean, Moodle ez zen gaur bezain ezaguna eta, gainera, beste hizkuntzetan plataformaren erabileran trebatzeko dokumentazioa eta esku-liburuak baziren ere, euskaraz apenas genuen materialik. Lan horren emaitza 300 bat artikuluk osatzen dute, eta Moodle-rekin hezkuntza-egitasmoren bat garatu nahi duen irakasleak behar besteko laguntza aurkituko du bertan.

Hala ere, plataformaren garapena oso azkarra izan da eta horregatik antzeman ugu irakaslearen atala berrikusi eta eguneratu beharra. Horretarako, ingelesezko dokumentazioan gehitu edota aldatu diren alderdiak aztertu ditugu eta momentu honetan euskarazko gunean txertatzeko ahalegina egiten ari gara. Denera, 50 bat artikulu moldatzeko asmoa dugu, Moodle-ren azken berrikuntzak jasotze aldera.

Moodle Doc-ak off-line

2009-02-06T10:45:00.006+01:00

Moodle Doc-ak off-line proiektuari esker Moodle-ren dokumentazio ofiziala norberaren ordenagailura oso-osorik deskarga daitezke eta offline erabili. Dokumentazio-paketeak astero eguneratzen dira eta dagoeneko bost hizkuntzatakoak ditugu eskura: ingelesa, espainera, frantsesa, japoniera eta euskara. Proietuaren arduradunak Antonio Vicent eta Eloy Lafuente (stronk7) dira.

Berrikitan euskaratu dugu proiektuaren guneko interzafea. Espero dugu hemendik gutxira martxan izatea

Moodle 2.0

2009-02-06T10:25:00.007+01:00

Moodle-ren 2.0 bertsioa aurten askatuko da. Asko dira bertsio berriak ekarriko dituen berrikuntzak. Honako hauek, besteka beste:

Biltegi edo errepositorio-sistema
Portfolioak
Baldintzatutako jarduerak
Derrigor osatu beharreko ikas-ibilbideak
TinyMCE testu-editorea txertuko du
Blog-plataformaren hobekuntza
(...)

Horrela, Moodle-ren 2.0an 3.000 bat kode-lerro gehituko dira hizkuntza-paketean. Dagoeneko, lan horren lehenbiziko emaitzak jarri ditugu denon esku hizkuntza-paketeak jaisteko gune ofizialean eta espero dugu aldian-aldian ekarpen gehiago egitea. Hartara, euskarazko itzulpena bertsio berria askatzen denerako prest eduki nahi dugu.

TinyMCE - Javascript WYSIWYG Editorea

2009-02-05T11:37:00.005+01:00

TinyMCE is a platform independent web based Javascript HTML WYSIWYG editor control released as Open Source under LGPL by Moxiecode Systems AB. It has the ability to convert HTML TEXTAREA fields or other HTML elements to editor instances. TinyMCE is very easy to integrate into other Content Management Systems.

Proiektu hau 2009ko otsailean hasi gara garatzen eta espero dugu ekaina baino lehen euskarazko bertsioa eskaini ahal izatea.

Phoca Gallery

2009-02-04T10:56:00.004+01:00

Phoca Gallery Joomla!-ren osagaietako bat da. Horri esker, irudi-galeriak sor ditzakegu.

Ondokoak behar dira erabili ahal izateko:

Joomla!-ren 1.5 bertsioa (establea edo geroagokoa)
PHP 4.4.1 (edo geroagoko beste edozein bertsio) GD liburutegiarekin.

Proiektu hau 2009ko urtarrilean hasi gara garatzen eta espero dugu ekaina baino lehen euskarazko bertsioa eskaini ahal izatea.

Joomla!

2009-02-03T08:42:00.010+01:00

Joomla! edukiak kudeatzeko sistema(EKS) bat da. Kode irekikoa da, PHP programazio lengoaia erabiltzen du eta GPL lizentziapean dago. MySQL datu-baseak kudeatzeko sistema erabiliz, Internet eta intranet-etan nahi den informazioa publikatzeko aukera ematen du. Bestalde, beste hainbat ezaugarri ere baditu Joomla!-k: orriak cachean gorde errendimendu hobea lortzeko, web indexazioa, RSS, orrialdeak inprimatzeko aukera, flash-ak notiziekin, blog-ak, foroak, inkestak, ordutegiak, web guneetan bilaketak, lenguaiaren internazionazioa. Kudeatzeko sistema honen izenak bere esanahia badu, denok batera, hain zuzen ere.

Lokalizazio-proiektu hau 2006tik 2008 ra bitartean garatu dugu eta guztira4.200 kode-lerro itzuli ditugu, 180 bat fitxategitan.

Jooma!-ren hizkuntza-paketea: jaitsi hemendik

JClic

2009-02-03T07:54:00.007+01:00

JClic Java plataforman garatutako ingurunea da hezkuntza jarduera multimediak sortu, egin eta ebaluatzeko.

Linux, Mac OS X, Windows eta Solaris bezalako inguru operatiboetan dabil eta software libreko aplikazioa da.

Moodle

2009-02-03T07:49:00.007+01:00

Moodle online moldeko ikastaroak sortzeko programa-multzoa da. Garabidean dagoen kode irekiko proiektua da eta giza konstruktibismoak gidatutako hezkuntza-egoerak bultzatu nahi ditu.

Moodle doan banatzen da Software libre moduan (Open Source) GNU Lizentzia Publikoaren baitan. Horrek esan nahi du Moodlek egile-eskubideak (copyright) dituela, baina zeuk hainbat kontu egiteko askatasuna duzula. Moodle kopiatu, erabili eta aldatu ahal duzu baldin eta ondokoak onartzen badituzu: iturburu kodea besteri ematea, jatorrizko lizentzia eta egile-eskubideak ez aldatzea edo ezabatzea, eta lizentzia hori bera Moodletik eratorritako beste edozein lani aplikatzea. Irakur ezazu lizentzia eta galderarik izanez gero, jar zaitez harremanetan egile-eskubideak dituen egilearekin.

"Moodle" hitzak ingelesez Modular Object-Oriented Dynamic Learning Environment delakoaren akronimoa da (Ojektuetara bideratutako Ikas-Ingurune dinamikoa eta Modularra). Horrez gain, zerbaiten inguruan bueltak eman eta gehiegi kezkatu gabe burura datozkigun gauzak egiteko prozesuari dagokion aditza ere bada; aktibitate atsegina barneko hausnarketa eta sormena eskatzen dituena, alegia. Kontzeptu hori Moodle garatu zen moduari, eta irakasle eta ikasleak online ikastaro batean aplikaziora hurbiltzeko moduari ere badagokie.

Moodle Doc-ak

2009-01-03T08:47:00.001+01:00

Moodle Doc-ek Moodle-ren dokumentazio ofiziala osatzen dute. Bertan jasotzen da Moodle-ri buruzko informazio nagusia atalez atal. Informazio hori edozein erabiltzailerentzat da: ikasle, irakasle, kudeatzaile... Etengabe osatzen eta zabaltzen ari den dokumentazio honek wikia erabiltzen du tresna gisa eta on-line zein off-line eran eskura daiteke.

2006ko urrian ekin genion proiektuari eta harrez geroztik 800 artikulutik gora itzuli ditugu.

Moodle-ren rol eta baimen-sistemaren aplikazioak hezkuntza-komunitate batean

2009-01-02T10:09:00.002+01:00

CAMACHO, A.; LONBIDE, P. (2008): Moodle-ren rol eta baimen-sistemaren aplikazioak hezkuntza-komunitate batean

MoodleMoot Euskadi 2008 jardunaldietan aurkeztutako komunikazioa
Arrasaten, 2008ko maiatzaren 23an
Antolatzailea: Mondragon Unibertsitatea

Moodle-ren rol eta baimen-sistemaren aplikazioak

Publish at Scribd or explore others: Academic Work hezkuntzakomunitatea baimenak

Europako Erreferentzia Markoaren ekarpenak eta Portfolioa

2009-01-01T10:09:00.001+01:00

HELBURUAK

1. Europako Erreferentzia Markoa: Hizkuntzen ikaskuntzarako irakaskuntzarako eta ebaluaziorako dokumentuaren ekarpenak aztertu.
2. Portfolioa Marko horretan kokatu.
3. Portfolioaren ezaugarriak aztertu eta hizkuntzen ikaskuntzarako baliagarritasuna baloratu.

EDUKIAK

1. Europako Erreferentzia Marko Bateratua (EEMB)
2. Hizkuntz gaitasuna ebaluatzeko erreferentzia-maila bateratuak: eskalak
3. Portfolioa eta atalak

Erreferentzia maila bateratuak: irizpideak eta gaitasun-mailak

2009-01-01T10:05:00.001+01:00

HELBURU NAGUSIA

Prestakuntzarako saio-proposamen honetan bi helburu nagusi ditugu:

* Europako Kontseiluak, ALTErekin elkarlanean, bultzatu dituen hizkuntzak irakasteko, ikasteko eta ebaluatzeko Erreferentzia-Mailak aztertzea

* Erreferentzia-mailak zehazteko erabili izan diren deskribatzaileak eskola-testuingurura egokitu ahal izateko baliabideak eskaintzea

EDUKIAK

1.Hizkuntzen ikaskuntza sustatzeko tresnak berriak
1.1. Europako Erreferentzia Markoa
1.2. Hizkuntzen Portfolio Europarra.

2.Erreferentzia-mailak
2.1. Erreferentzia-mailak eta ekintzara bideratutako ikuspegia
2.2. Erreferentzia-mailak eta ikaslearen gaitasunak
2.3. Mailen deskribatzaileak zehazteko irizpideak
2.4. Deskribatzaile argigarrien eskalak: irakasteko, ikasteko eta ebaluatzeko baliabideak
2.5. Erreferentzia-mailak eta Derrigorrezko Bigarren Hezkuntza: parekatzeko saioa

3.Lanerako prozedurak
3.1. Deskribatzaile argigarriak lantzeko prozedurak
3.2. Erreferentzia-mailak eta ikas-materialen egokitzapena

EGA eta Europako Erreferentzia Markoa

2009-01-01T10:01:00.001+01:00

EZAUGARRI NAGUSIAK

Formazio-saioaren helburu nagusia EGA azterketaren zuzenketa-irizpideak Europako Erreferentzia Markoaren ekarriez osatzea da.

Iraupena: 3 ordu, honela banatuta

* Ordu beteko azalpen-saioa
* Bi orduko azteketa-lana

Lehenengo saioan Erreferentzia Markoaren ekarriak aztertuko ditugu orokorrean eta zehatzago C1 mailari dagozkionak.

Bigarren saioan, berriz, parte hartzen dutenek ekarri horien arabera aztertuko dute bi azterketariren jarduna eta Ebaluazio-fitxa osatzen saiatuko dira.

PROGRAMA

Helburuak

* Europako Markoa zertan den ezagutzea
* Ebaluazioa eta ebaluatzeko erak aztertzea
* C1 maila eta beronen deskribatzaile argigarrien eskalak aztertzea
* Ebaluazio-fitxa osatzea

Edukiak

1. Europako Erreferentzia Markoa
2. Ebaluazio-irizpide nagusiak
3. Deskribatzaile argigarrien eskalak

Moodle, ikaskuntza eta irakaskuntzarako plataforma

2009-01-01T09:26:00.001+01:00

EZAUGARRI NAGUSIAK

Ikastaroaren helburu nagusia Moodle-ren oinarrizko ezagutza eskuratzea da.

Iraupena: 35 eskola-ordu, honela banatuta

* 10 orduko saio presentziala
* 20 orduko lana on-line
* 5 orduko saioa presentziala

Lehenengo bi saioetan aztertutakoa era praktikoan landuko da on-line egin beharreko 20 orduetan. Ordu kopurua gutxi gora beherakoa da, norberaren interesen eta beharren arabera.

Ikastaro osoa propio sortutako Moodle-ren instalazio batean egingo da. Horrela, ikastaroa egiten dutenek gune osoaren kudeaketarako sarbidea izango dute, nahi beste proba egin ahal izateko.

PROGRAMA

Helburuak

* Plataformak ikaskuntza-irakaskuntzarako erabil daitezkeen baliabideak ezagutzea
* Plataforma kudeatzeko baliabideak aztertzea
* Rolak eta baimenak aztertzea
* Moodle-ren instalazioa, kostea, migrazioa aztertzea

Edukiak

1. Plataformaren funtzionamendu orokorra
2. Moodle-ren baliabideak
3. Moodle-ren jarduerak
4. Moodle-ren blokeak
5. Baimenak, testuinguruak, rolak
6. Ikastaroaren Kudeaketa blokea
7. Gunearen Kudeaketa blokea

Moodle euskaraz: hizkuntza handien pare

2008-12-28T10:34:00.001+01:00

CAMACHO, A. (2007): Moodle Euskaraz: hizkuntza handien pare

MoodleMoot Euskadi 2007 jardunaldietan aurkeztutako komunikazioa
Donostian, 2007ko ekainaren 27an eta 28an
Antolatzailea:UPV-EHUko IKTen Gerenteordetza

Moodle Euskaraz: hizkuntza handien pare

Publish at Scribd or explore others: Presentations Academic Work hizkuntzapaketea moodle docs

Euskararen irakaskuntza Europako Erreferentzia Markoaren baitan

2008-12-20T11:49:00.001+01:00

Camacho, A, Lonbide, P (2005): "Euskararen irakaskuntza Europako Erreferentzia Markoaren baitan"

Hizpide 60, 69-82 orr.

Euskararen Irakaskuntza Europako Erreferentzia Markoaren Baitan

Publish at Scribd or explore others: Essays Academic Work inplikazio metodolog euskararen irakaskun