2010-12-02

Moodle-ren oinarrizko erabilera izeneko ikastaroa denon esku

2010eko azaroan zehar eta UEUk antolatuta, Moodle-ren oinarrizko erabilera izeneko ikastaroa eman dugu. 23 lagunek hartu dute parte 15 orduko iraupena izan duen ikastaro honetan.

Gaurtik aurrera ikastaro hau denon esku izango da, ikasi eta irakasteko esperientzia hau partekatu eta baten batek egokia iritziz gero, berrerabil dezan.

Ikastaroaren planteamendua Moodle plataforma kudeatzen ikastaroan erabilitakoaren ildo berekoa da.

Ikastaroaren helburua bikoitza da:
  • Moodle-k ikastaroak sortzeko eskaintzen dituen tresnak ezagutzea
  • Ikastaroa egiten dutenei Moodle modu autonomoan erabiltzen ikasi ahal izateko baliabideak eskaintzea
Ikastaroa 30 bat ordutan egiten da eta bi eratara erabiltzeko modukoa da:
  • Nork bere kasa, ikasle gisa. Ikastaroaren gida erabilita, edonork egin dezake ikastaroa.
  • Irakasle gisa talde bati eskaintzea. Irakaslearen gisa erabilita, Moodle-ren ezagutza zabalagoa duen edonork eskain diezaioke talde bati ikastaroa.
Ikastaroa hemendik jaitsi daiteke eta CC lizentziapean erabili.



3 comentarios:

  1. Zorionak eta eskerrik asko! Oso itxura ona du, benetan! Espero dut zuek bezala, beste batzuek ere bide bera egitea

    ResponderEliminar
  2. Kaixo:
    Saiatu naiz ikastaroa deskargatzen, baina zip fitxategia deskargatu ondorne ez dut .exe exekutagarririk topatu. Nola instalatu daiteke ikastaroa?
    eskerrik asko

    ResponderEliminar
  3. Aupa,

    Ikastaroa berreskuratzeko, Moodle plataforma bateko ikastaro batetik abiatu behar duzu. Bertan zaudela, "IEzarpenak" blokeko "Berreskuratu" aukerari sakatu behar diozu eta zabalduko zaizun formularioaren bidez fitxategia igo eta gero jarraitu azalduko zaizkizun pausuei.

    Kontuan hartu ikastaroa derrigor berreskuratu behar da Moodle instalazio batean.

    ResponderEliminar